भारत माझा मी भारताचा
Translate
मंगळवार, ९ एप्रिल, २०१९
भारत माझा मी भारताचा : रवि
सोमवार, २६ नोव्हेंबर, २०१८
"रामभरोसे"
..........// रामभरोसे \\…………
जीवन ईथले "रामभरोसे" चेहरा ईथल्या लोकशाहिचा |
निरोप मज देता हिरमुसतो का चेहरा माझ्या आईचा ? || ध्रू. ||
करूनी चाल लाटांवर मृत्यु दडवून चाहुल दबकत आला |
आधुनिक शस्त्रांनी विकसनशील देशाला बडवून गेला |
मानवतेला चिरडून चेहरा हसला आतंकी पशूतेचा ! निरोप .... || 1 ||
वीरमरण जणू अधिकार्यांचे व्यवस्थेतल्या चिंधड्या दावून |
त्याच व्यवस्थेवरी विसंबुन आशा ऊठली जरी सावरून |
जीवनास आत्ता किंमत्त का ? प्रश्न हाच होता आशेचा ! निरोप ... || 2 ||
जैसे थे परी सुरक्षाच ती तशीच हतबल आधीसारखी |
ऊडदामाजी काळे कळण्या नजर हवी परी रत्नपारखी |
प्रवेशद्वाराविना स्थानके जणू मार्ग ऊघडा चोरांचा | निरोप ... || 3 ||
ऊद्गमदात्या अवैध वस्त्या जरी अनैतिक त्या धंद्यांच्या |
रूंदावत होत्या शहरांतुन गिळूनी पट्ट्या भुखंडांच्या |
पाणी - घरपट्ट्या भरूनीहि नागरिक दबुनी देशाचा | निरोप ... || 4 ||
सरकारी दाखले मिळवण्या सुरूच खेटे सामान्यांचे |
त्याच दाखल्यांच्या परी हृद्यी जणू प्रेम अवैध वस्त्यांचे |
प्रश्न मनी मग सुरक्षेस का " अजुनहि " चिरडून भार मतांचा ? निरोप ... || 5 ||
होती खिदळत विकृतीच ती करूनी हत्या माणूसकीची |
वर्षे सरली कारण तिजसाठी खर्चत माया कोटिंची |
सुरक्षित " विकृती " ईथे जणू संदेशच "अपुल्या" वृत्तीचा | निरोप ... || 6 ||
खोट्या पोकळ व्यवस्थेस ह्या बसून पुन्हा आतंकी दणका |
पडून बळी दुसर्या शहरांतुन ऊडून तिथे स्फोटांचा भडका |
कुंभकर्णी झोपेतुन जाहला घात पुन्हा मग मुंबापुरीचा | निरोप ... || 7 ||
ओढ घरांची पावलांस ज्या शंका नव्हती किंचित त्यांना |
त्यांच्या निष्पापी रक्ताची आतंकी हृद्यास वासना |
मग पाशवी त्या स्फोटांनी श्वास ऊखडला मानवतेचा | निरोप ... || 8 ||
प्रत्येकाच्या हृद्यस्थाला धरले हृद्यी ज्या शहराने |
शहरावर त्या पाहून हमला देश गलबलून आघाताने |
भ्रमणध्वनींचे जाळे हतबल भार झेलण्या ह्या चिंतेचा | निरोप ... || 9 ||
क्षेमकुशल कळण्या स्वकियांचे मग डोळ्यांतुन प्राण दाटले |
वृत्तवाहिन्यांवरी विसंबुन विश्वासाने असता सगळे |
वृत्तवाहिन्या काहि गेल्या श्वास कोंडूनी विश्वासाचा |
निरोप ... || 10 ||
किंवा योग्य हे असेल कारण नियम आगळे ह्या देशाचे |
बळी पाहूनी स्वरूप ठरते सदैव जिथल्या आघाताचे |
स्फोट घडविणे अफवेमधुनी असेल धक्का कुणा यशाचा | निरोप ... || 11 ||
परी स्फोटाने युध्दभुमीची दाहकता पोळून शहराला |
रक्ताच्या थारोळी अवयव कुठे हरवूनी ह्या देहाला |
विधात्यास मग प्रश्न चुकुन का " मी निर्माता सैतानाचा ? " निरोप ... || 12 ||
ईतरांना सावरता दिसली परी मानवता जख्मी होऊन |
ऊपचाराआधी मृत्युची झुंजच निर्जीव कोठे विव्हळून |
हरूनी रूग्णालयात कोणी "जन्म पोरक्या परिवारांचा" ! निरोप ...|| 13 ||
हात पोरका फटित मिळूनी काळरात्रीच्या दुसर्या दिवशी |
पिळवटणार्या प्रश्नांच्या त्या हृद्यावर कोसळल्या राशी |
धडपडेल का बाळच कुठले हात न दिसूनी तो मायेचा ? निरोप ... || 14 ||
लेक लाडकी होरपळून का हाताच्या प्रेमळ छत्राविण ?
माय - बाप कोसळतील थकूनी कुठे एकल्या त्या काठीवीण ?
एकच ऊत्तर दिसले हतबल "तिथे हात जो सामान्याचा" | निरोप ... || 15 ||
राजकारण्यांना देशातील जो जिवलग मतदानापुरता |
त्या हाताच्या रेषांवर जो मृत्यु का मग त्याच्यापुरता ?
येतो ?........ येतो म्हणता जिभ धडपडे निरोप घेताना घरच्यांचा |
निरोप मज देता हिरमुसतो का चेहरा माझ्या आईचा ? || 16 ||
- मकरंद सुधाकर पाटोळे.
मंगळवार, ५ सप्टेंबर, २०१७
घड्याळ
....... // घड्याळ \\ …….
वेळ सांगते घड्याळ की ह्या विश्वातील सत्याचे सार |
घड्याळात पहाताना करूया आपण ह्याचा जरा विचार ||धृ.||
जणू सत्याचे भान हरवूनी चित्त वेधण्या ऊनाड धडधड |
पुढे राहण्यासाठी केवळ सुरूच ज्याची बाष्कळ धडपड |
सेकंद काट्याच्या वृत्तीचे विवेकबुध्दीशी जणू वैर | घड्याळात … || 1 ||
ठाम स्वत: जो निर्धारावर नसे भय त्याला स्पर्धेचे |
पाऊल त्याचे भान देऊनी जाते विश्वाला काळाचे |
म्हणूनी करते जणू बुध्दीहि मिनिटाच्या काट्याचा आदर | घड्याळात… || 2 ||
शर्यतीत ह्या मागे जो तो अढळ आपुल्या ध्येय्यावरती |
तार्यासम तो कारण फिरते विश्वची अवघे ह्याच्याभोवती |
ठसा ऊमटवून जाते अपुला कोण ह्यातले मग विश्वावर ?
घड्याळात… || 3 ||
त्रिकोण काट्यांचा आवश्यक तोल साधण्यासी काळाचा |
हात पकडण्या ह्या काळाचा वारू आवश्यक प्रगतीचा |
ऊधळून घोडा पण मग झाले कोण आज कोणावर स्वार ?
घड्याळात पहाताना करूया आपण ह्याचा जरा विचार || 4 ||
- मकरंद सुधाकर पाटोळे .
पडछाया
// पडछाया \\
दडे घराच्या स्वप्नामागे 'काळी छाया'
का मृत्युची ?
कारण हि तर असते
किमया त्या 'सोयीच्या' अंधत्वाची ||
धृ.||
विस्तारत जाता जनसंख्या महानगरांतून
'स्वप्नांसोबत' |
गगनी भिडती ईमारती मग 'नियमांना'
भूमीवर चिरडत |
ईमारतींचे अरण्य हे कि पिढी 'ऊंच
झोपडपट्ट्यांची ?' | कारण...||1||
बांधकाम दर्जाची 'हत्या' होते 'लिंपून'
ईमारतींना |
ऊब सुरक्षित दिसुनी ह्यातून
परी त्या 'अजाण' निष्पाप्यांना |
'आयुष्याची मिळकत' देऊन करत
'खरेदी शवपेट्यांची'| कारण...||2||
डगमगल्या ना 'नियम' ठेचता अखेर
'भयकंपित' त्या दिवशी |
ईमारतींना कारण कळते गाठ आज
'धरणीकंपाशी' |
'गलितगात्र' ह्या ईमारती मग काढित
आठवण त्या 'नियमांची' |
कारण...||3||
जो तो बिथरून पाखरूच मग पाहून
'थरथरणारे घरटे' |
मृत्युमुखी टाकूनी पळाला 'तोल'
पाहूनी धडपड खुंटे |
'स्वप्नांची' सावलीच कळते
होती छाया 'अपमृत्युची' | कारण...||4||
रहिवाश्यांना दिसूनी भिंती 'दोन
भुजांगत अडकित्त्याच्या' |
आदळती ह्या भिंतींमधूनी 'मुर्त्या जिवंत
हतबलतेच्या' |
हृद्य भंगते आधी ज्यांचे पाहत 'पडझड'
हृद्यस्थांची | कारण...||5||
'पत्त्यांचे बंगले' कोसळता अखेर 'गाडून'
रहिवाश्यांना |
भाग्यवान का सुटले ह्यातून 'क्षणात'
गमवून जे प्राणांना ? |
जिथे 'वेदनाही' कळवळते पाहून घुसमट
ह्या श्वासांची | कारण...||6||
असहाय्य तळमळणारे कोणी भीक
मागता मग मृत्युची |
स्वत:च त्या 'मृत्युला'
हुंदका म्हणता 'धरा कास आशेची' |
जिथे पिळ
त्याच्या हृद्याला करा कल्पना मग
स्वकियांची | कारण...||7||
द्यामरण जो कुणास देतो कुणा श्वास
का गुदमरण्याला ? |
प्रशासनाच्या मदतीची जणू विलंब
होऊन आशा त्याला |
नंतरच्या धक्क्यांनी जाते चिरडून
आशा त्या मृत्युची | कारण...||8||
स्वकीयांच्याही हृद्यी आशा परी 'थरथरती'
स्वत: भयाने |
खोल हरवूनी डोळे त्यातील
पाणी 'विचलीत' ह्या प्रश्नाने |
ठरू ऊब ओघळताना की रेघ ठरू निर्द्य
चटक्याची ? | कारण...||9||
ढिगारेच मग उपसून निघते त्यातून
'आशा कुणा निराशा ' |
पुनर्जन्म तर कोठे तडफड कुणा गिळून
जाती दहा दिशा |
कुणा रेघ अश्रुंची 'पोळून' 'ऊब'
कुणा आनंदाश्रुंची | कारण...||10||
स्वार्थ आंधळा सुरुंगास
ह्या जरी रचुनी 'निर्माणावेळी' |
'भुकंपास' ठरवून आरोपी ठसवून 'एकच बाजू
काळी' |
'स्वार्थ' मोकळा पुन्हा घालण्या फुंकर
खोटी आपुलकीची | कारण...||11||
मदतीच्या हातालाही त्या जणू दृष्ट
त्या 'दुष्ट' प्रथेची |
बनवून 'याचक' ज्यात रडविते पिडीतांस
'छाया' आशेची |
जगलेल्यांचा 'जन्म' चिरडतो वाहत
'ओझी' ऊपचारांची |
कारण ही तर असते
किमया त्या 'सोयीच्या' अंधत्वाची ||
12||
- मकरंद सुधाकर पाटोळे .
नश्वरता
// नश्वरता \\
सुर्य ऊगवतो अन मावळतो ठेवून साक्षी त्या क्षितीजाला |
कारण दोघे सदैव जाणून समृध्दीतील नश्वरतेला ||धृ.||
रंगमंच हा फुलतो ज्याचा त्या मेघांच्या कलाकृतीतून |
अभ्रांच्या कलशातील सागर कणाकणाला ज्याच्या भिजवून |
समृध्दीच्या डोहि तरीहि "अहंकार" नसतो गगनाला | कारण...||1||
भूमीच्याहि कवेत असतो विशाल रत्नाकर खळखळता |
समृध्दीचा थेंब थेंब तो परी "खार्या कर्जातुन" बुडता |
अशी कोरडी धरणी तरीहि नसे 'दिन' त्या आकाशाला | कारण...||2||
नसते खारेपण डोळ्यातुन "जीवनात" हरवूनी गोडवा |
समृध्दी अंबरात तरीहि भुमीच्या अंतरी गारवा |
कारण "ना कुरवाळे" धरणी अवर्षणाच्या खोल व्रणाला | कारण...||3||
ऋतु वर्षेचा मग अवतरूनी चटक्यांवर त्या शीतल पाखर |
धरणी फुलुनी हिरवाईने गगनातील ऊडतो रत्नाकर |
"रिक्त" होऊनी "विरक्त" नभ जे शुष्कपणा ना जाळे त्याला | कारण...||4||
विशाल हृद्यी आकाशाच्या नसते मत्सर वृत्ती त्रोटक |
भुमी म्हणते रिक्त जरी हे जाणून मी नभ विशाल व्यापक |
"अलिप्त राहून हिंदोळ्यांवर" मिळे "स्थैर्य" नभ अन भुमीला | कारण...||5||
शांती हृद्यातील दोघांच्या श्वास पुरवूनी ऋतुचक्राला |
बरसुन जीवनधारा कोरून साकारत गेल्या सृष्टीला |
आज हि अर्वाचीन पाण्यातुन तेज नवे ह्या वसुंधरेला | कारण...||6||
खळखळते जे विश्वातुन अन धरून श्वास अपुल्या रक्तातुन
मळकट खारेपण सृष्टीतील पिऊनी कसे गोड ते जीवन ?
भूमी अंबर नाहि जखडून ठेवत कारण त्या पाण्याला |
कारण दोघे सदैव जाणून समृध्दीतील नश्वरतेला ||7||
- मकरंद सुधाकर पाटोळे.
कर्मातील ऊर्जा
// कर्मातील ऊर्जा \\
"भ्रष्ट" ताप आगीत चेतुनी देतो "गुर्मी" तीज शक्तीची |
"अहंकार" का असा विसरतो ऊर्जा "दबलेल्या कर्माची ?" ||धृ.||
अडकून पडता असहाय्य पाणी त्या भांड्याच्या सत्तेमध्ये |
"भ्रष्ट" आग जाळी भांड्याला मग "अस्थिरता" पाण्यामध्ये |
"घुसमट" भयाण ठरू पहाते अखेर जननी "नैराश्याची"| अहंकार ...||1||
"अशाश्वतीच्या" चक्रातून ह्या "भरडून" लाहि परमाणूंची |
"पेटत नाहि पाणी जळूनी" तीव्रताच रडता दु:खाची |
"आग क्षमवणे स्वभाव माझा" 'वाफ' आठवण देते ह्याची | अहंकार ...||2||
"तडफड पाहून बंधनातली" मग आगीचे "कुत्सित" हास्य |
"अशाश्वतीच्या" विस्मरणाने "मुर्खपणाला" जरी त्या सौख्य |
वाफेचा तो "त्याग" सांगतो मने चेतवीन परमाणूंची |
अहंकार ...||3||
"चटक्यातुन" ह्या फुलुनी ऊर्जा पाण्यामधल्या परमाणूंची |
ऊलथुन अन्यायाचे बंधन जाता "ऊकळी ऊद्वेगाची"|
दिसेल "विध्वंसक" आगीला "विधायक" एकी पाण्याची !
अहंकार का असा विसरतो ऊर्जा दबलेल्या कर्माची ? ||4||
- मकरंद सुधाकर पाटोळे.
रवि
// रवि \\
"विधायक असते ती शक्ती" सत्य हेच सुर्यातुन दडले |
ह्या तार्यांचे वंशज आपण ज्यातील ऊर्जेला हे कळले ||धृ.||
दूर दूर विस्कटला असता हायड्रोजन ह्या ब्रम्हांडातुन |
"गुरूत्वीय बळ" झाले जागृत नवसृजनाची ओढ चेतवून |
विश्वाकरता बळ वायुच्या "अस्तित्वाला" जमवू लागले | ह्या ...||1||
फुलू लागले हे बळ वायु "एकत्रित" होण्याने अजुनी |
दडली ठिणगी त्या सृजनाची "एकसंधतेमध्ये" ऊमगुनी |
एकसंध करण्या मग त्याला अविरत बळ हे झटत राहिले | ह्या ...||2||
शर्थ प्रयत्नांची अन होळी होऊन कोट्यावधी वर्षांची |
धगधगणार्या वायुमधल्या अणूंस ना ईच्छा जुळण्याची |
"प्रतिकर्षण" विद्युतभाराचे कारण त्यांना रोखत गेले | ह्या ...||3||
किंवा अद्वैताने अपुल्या "ओळख" बदलू नये स्वत:ची |
परस्परांना दूर लोटणे म्हणूनी असे का चाल अणूंची ?
बने कोळसा की हिरा ऊत्तर "अणूसंरचनेतुन" दडले | ह्या ...||4||
अखेर धगधगत्या वायुतील ऊर्जा तो अंगार चेतवून |
"सीमोल्लंघन" वायुचे होऊन एकतेच्याच बळातून |
"परस्परांतुन स्वभाव मिटवू" जेंव्हा परमाणूंस वाटले | ह्या ...||5||
स्वत:स झोकून दिले अणूंनी परस्परांवर ऐक्याकरता |
"अद्वैतातुन"घडले नविन मुलद्रव्य ह्या विश्वाकरता |
"फ्युजन" म्हणूनी ह्या सृजनाला विज्ञानाने आज वंदिले | ह्या ...||6||
हायड्रोजनच्या अणूंपासूनी त्या हिलीयमचे अणू घडूनी |
"वस्तुमान" ह्या नव्या अणूंचे किंचित मग "ऊर्जेत" बदलूनी |
"ईवल्या त्यागातुनी" ह्या अणू "अनंत ऊर्जा" फुलवून गेले | ह्या ...||7||
वायुच्या कोषातुन प्रकटे तारा किरणे गर्भी ज्याच्या |
किरणांचा हा प्रवास तेथुन ऊजळे राशी जो तिमीराच्या |
"माज न यावा पण तार्याला ह्या ऊर्जेचा" बळास कळले | ह्या ...||8||
"गुरूत्व बळ" हसले तार्यातील ऊर्जेशी साधुन "संतुलन" |
"विश्व बांधण्या" कटिबध्दच करूनी तार्याला त्या सृजनातुन |
मुलद्रव्य नवनविन घडवून विश्व प्रकाशित ज्याने केले | ह्या ...||9||
कोट्यावधी वर्षे हा "ध्यास" तेवूनी तार्याच्या गर्भाशी |
लोहतत्व बनले ज्यामधले अणू "न जुळूनी परस्परांशी" |
"अडखळूनी मग सृजनप्रक्रिया" ऊर्जेचे अवसानहि गळले | ह्या ...||10||
"ढासळते" संतुलन म्हणाले मग तार्याला "मिटव स्वत:ला" |
सज्ज जाहला करण्या विलीन मग तारा "स्वत:त अपुल्याला"|
"आहूतीविण सृजन रखडले पुढचे" की तार्याला कळले ? ह्या ...||11||
स्वगर्भातच स्वत:तल्या विश्वासह स्वत:स दिले झोकूनी |
"अस्तित्वच भरडूनी स्वत:चे" महास्फोट घडविला त्यातूनी |
अनंत तार्यातील तेजाला तेज ईथे "हे" दिपवून गेले | ह्या ...||12||
विध्वंसक आघाती लहरी वाटे गिळतील ब्रम्हांडाला |
"सुपरनोव्हा" तो ठरला पण जो कारण "पुढच्या सृजनाला"|
धुळीस तार्याच्या स्फोटाच्या रूपात ह्याने दूर विखुरले | ह्या ...||13||
मुलद्रव्य मग पुढची घडली "महास्फोटाच्या ह्या भट्टीतून" |
जीवसृष्टीला घडवण्यास आवश्यक ती तार्याला ऊमगून |
"विश्वनिर्मिती मृत्युतून माझ्या" जणू हे बलिदान म्हणाले | ह्या ...||14||
तार्यांची हि राखच कारण त्या सृजनाची बीज रूजवून |
तारा घडवून ज्या तत्वांना "त्यातून" त्या मेघांना बनवून |
ज्या मेघांतून नवनविन ग्रह-तारे "त्यांच्या कुशीत" घडले | ह्या ...||15||
ह्याच "निरंतर" प्रक्रियेतूनी सौरमाला अपुली घडली |
सुर्याच्या ऊर्जेने वसुंधरेवर परी जी सृष्टी फुलली |
"तार्यांच्या बलिदानातुन घडलो आपण" का तिने जाणले ? | ह्या ...||16||
"अणू-रेणूतून ह्या सृष्टीतील गुणसुत्रच राखेचे ज्याच्या |
तो तारा मृत मायच अपुली आशा जगवून जी सृजनाच्या |
आईच्या पोकळीस रवीने बहिणीच्या मायेगत भरले |
ह्या तार्यांचे वंशज आपण ज्यातील ऊर्जेला हे कळले"||17||
- मकरंद सुधाकर पाटोळे.
विकृती अन प्रकृती
// विकृती अन प्रकृती \\
दोन अंश हे वसुंधरेचे
रूप स्वार्थ अन ऊदारतेचे |
मुळे "सांधता" भुमातेसी
प्रेम कुणाला का "शकलांचे ?" ||धृ.||
"स्तुती सुमनांच्या" हिमवृष्टीहून
वळवा पर्णरूपी हे कर्ण |
मानाचा हा भारच गिळेल तुम्हां
सांगतो जणू सुचिपर्ण |
अहंकार हा कारण मोडून जाईल
नकळत रोप यशाचे | मुळे ...||1||
समाजात ह्या "ऊतरण" तीव्र
बीज रूजवता बंधुत्वाचे |
मुळेच "गुंफुन" समाजास मग
नसेल भय "वाहून जाण्याचे"|
शिखरांवरचे वृक्ष पाजती
जणू अमृत हे अनुभवाचे | मुळे …||2||
आतंकीत करणार्या लाटा
दिसता गिळण्या ह्या देशाला |
निर्भयतेने भिडूनी त्यांना
गिळाच त्यांच्या अस्तित्वाला |
खारफुटीची तळमळ सांगे
जणू वार झेलत लाटांचे | मुळे …||3||
कुणी जळून कोरडे कुणाला
खारट अनुभव रे दु:खाचा |
तुम्ही गोडवा द्या ईतरांना
गिळूनी हुंदका परि अश्रूंचा |
झाड नारळाचे जणू सांगे
ऊन्हात करपून अन खजुराचे |
मुळे …||4||
त्या आशेच्या ओलाव्यावीण
जीर्ण तरूगत वाळून जीवन |
"तुझी प्रतिक्षा रे बहराला"
जणू गुलमोहर सांगे बहरून |
"दूत अरे चटके दु:खाचे
शीतल आशेच्या धारांचे"| मुळे …||5||
संजीवनरस फळातूनी देते
करूणा प्रेमळ झाडांची |
करूणेसव जणू "आशीर्वचने"
अनंत अर्पुन हि बिजांची |
"रूजूनी" कल्पवृक्ष मग त्यातून
अविचल पुतळे जे विनयाचे | मुळे …||6||
कडे "स्मृतींचे" वळूनी
जपूनी ठेवे जणू प्रतिवर्षी ठेवा |
प्रेमळ आठवणी वर्षेच्या
कधी जीर्ण दुष्काळी घावा |
"भविष्य" दावत त्या रेषांतुन
जणू वृक्ष हे गतकाळाचे | मुळे …||6||
कर्ब जाळतो आज ऋतुंना
ऊद्गम ज्याचा स्वार्थामध्ये |
वृक्ष गिळून ते कर्ब हलाहल
पानांतूनी स्वदेहामध्ये |
आमरणान्त जखडून त्याला
पांग फेडतो वसुंधरेचे | मुळे …||7||
गिळूनहि अपुल्या दुष्कर्माला
बळी वृक्ष अपुल्या स्वार्थाला |
कुर्हाड ना वापरता मानव
सोडे जंगलावर आगीला |
"अर्थ" साधुनी "वणव्याआडून"
रचतो ईमले जो "अर्थाचे" |
मुळे सांधता भूमातेसी
प्रेम कुणाला का शकलांचे ? ||8||
- मकरंद सुधाकर पाटोळे.
शंकाग्रस्त बीज
....... शंकाग्रस्त बीज .........
जीवनदायी "रक्षणकर्त्यांचा" जर घातच "प्रघात" इथला |
"ईतरांसाठी विशाल होऊ का मी कवटाळून मृत्युला ?" || धृ. ||
क्षितीजाचेही नसते बंधन "शापित" भूमी अथांग एैशी |
"रक्त जळून" छायेवीण जिकडे "सांगाड्यांच्या" अगणित राशी |
अनंत वर्षे "शाप" भोगुनी फुटे पालवी त्या धरणीला | ईतरांसाठी...|| 1||
"करुणामयी" मग रोप ऊगवते "हिमालयाचे धैर्य" अंतरी |
"वार" झेलुनीही सृष्टीचे रोप पसरते "परोपकारी" |
विश्व पाहूनी तडफडणारे रोप घडविते वटवृक्षाला | ईतरांसाठी ...||2||
छाया ह्याची बनते घरकुल जणू श्वास हा प्रत्येकाचा |
मरुभूमीतील तृष्णेसाठी जणू निर्झर हा चैतन्याचा |
कल्पवृक्ष हा आनंदाचा का खुपतो मग त्या दैवाला ? | ईतरांसाठी...||3||
झंझावाती काळी छाया एके दिवशी नभास गिळूनी |
कंपित होती दहादिशाही तिथे दामिनींच्या नृत्यानी |
ढाल बनवूनी तरु 'स्वत:सी' धरतो ह्रद्यी प्रत्येकाला | ईतरांसाठी...||4||
"निर्भय" ऊंच तरु हा पाहून "अहं" ठेंगणा नभी विजेचा |
नखशिखान्त पेटूनी दामिनी प्राण जाळूनी जाते ह्याचा |
बीजही जळते जमिनीमध्ये प्रश्न विचारून हाचा स्वत:ला |
"ईतरांसाठी विशाल होऊ का मी कवटाळून मृत्युला ?" ||5|| -
मकरंद सुधाकर पाटोळे कदम.
परोपकारी
.......... परोपकारी ! ...........
पोट स्वत:चे भरता वनस्पती विश्वाला जगवून जाते |
भरल्यापोटि मानवप्रगती का ईतरांचा घास ओढते ? || ध्रू .||
वसुंधरेच्या हाती ऊरती माती ज्याच्या अस्तित्वावीण |
नावच त्याचे " जीवन " कारण अशक्य हे जीवन पाण्यावीण |
प्राणवायुच्याशिवाय पण का हे पाणीहि जीवन ठरते ?
| भरल्यापोटि ... || 1 ||
जसा श्वास हृद्याला तशीच ऊर्जा आवश्यक सृष्टीला |
सहस्त्र किरणांतुनी जरी हा रवी विखुरतो ह्या ऊर्जेला |
सृष्टीच असती जर हाताविण दान तिच्या का हाती ऊरते ?
| भरल्यापोटि ... || 2 ||
दिला अर्थ सुर्याला अन जणू ह्या पाण्याला वनस्पतींनी |
सुर्याच्या ऊर्जेला सांधुन पर्णरूपी अनंत हातांनी |
प्राणवायु पाण्याचा गुंता त्या हातांनी हि सोडवते |
भरल्यापोटि ... || 3 ||
मंथन करते जणू पाण्याचे रेणूंच्या बंधास ऊलगडून |
करूनी मुक्त मग प्राणवायुला हायड्रोजनला धरते रोखुन |
कारण स्फोटक स्वभाव त्याचा वनस्पतीहि जाणून असते |
भरल्यापोटि ... || 4 ||
स्वभावसंसर्गाने होईल प्राणवायु विध्वंसक जाणून |
गिळूनी हायड्रोजन अन शोषुन कर्बवायुलाहि सृष्टीतुन |
विषास गिळता "वनस्पती" मग श्वास मोकळा "सृष्टी" घेते |
भरल्यापोटि ... || 5 ||
अमृत मिळते " विषास पचवून " जणू हे वनस्पतीला ऊमगुन |
गिळूंनी वायुंना ह्या मिसळून स्वभाव त्यांचा परस्परांतुन |
विषातुनी " ऊर्जेचे अमृत " विश्वाकरता हिच घडवते |
भरल्यापोटि मानवप्रगती का ईतरांचा घास ओढते || 6 ||
- मकरंद सुधाकर पाटोळे कदम.
रामभरोसे
..........// रामभरोसे \\…………
जीवन ईथले "रामभरोसे" चेहरा ईथल्या लोकशाहिचा |
निरोप मज देता हिरमुसतो का चेहरा माझ्या आईचा ? || ध्रू. ||
करूनी चाल लाटांवर मृत्यु दडवून चाहुल दबकत आला |
आधुनिक शस्त्रांनी विकसनशील देशाला बडवून गेला |
मानवतेला चिरडून चेहरा हसला आतंकी पशूतेचा ! निरोप .... || 1 ||
वीरमरण जणू अधिकार्यांचे व्यवस्थेतल्या चिंधड्या दावून |
त्याच व्यवस्थेवरी विसंबुन आशा ऊठली जरी सावरून |
जीवनास आत्ता किंमत्त का ? प्रश्न हाच होता आशेचा ! निरोप ... || 2 ||
जैसे थे परी सुरक्षाच ती तशीच हतबल आधीसारखी |
ऊडदामाजी काळे कळण्या नजर हवी परी रत्नपारखी |
प्रवेशद्वाराविना स्थानके जणू मार्ग ऊघडा चोरांचा | निरोप ... || 3 ||
ऊद्गमदात्या अवैध वस्त्या जरी अनैतिक त्या धंद्यांच्या |
रूंदावत होत्या शहरांतुन गिळूनी पट्ट्या भुखंडांच्या |
पाणी - घरपट्ट्या भरूनीहि नागरिक दबुनी देशाचा | निरोप ... || 4 ||
सरकारी दाखले मिळवण्या सुरूच खेटे सामान्यांचे |
त्याच दाखल्यांच्या परी हृद्यी जणू प्रेम अवैध वस्त्यांचे |
प्रश्न मनी मग सुरक्षेस का " अजुनहि " चिरडून भार मतांचा ? निरोप ... || 5 ||
होती खिदळत विकृतीच ती करूनी हत्या माणूसकीची |
वर्षे सरली कारण तिजसाठी खर्चत माया कोटिंची |
सुरक्षित " विकृती " ईथे जणू संदेशच "अपुल्या" वृत्तीचा | निरोप ... || 6 ||
खोट्या पोकळ व्यवस्थेस ह्या बसून पुन्हा आतंकी दणका |
पडून बळी दुसर्या शहरांतुन ऊडून तिथे स्फोटांचा भडका |
कुंभकर्णी झोपेतुन जाहला घात पुन्हा मग मुंबापुरीचा | निरोप ... || 7 ||
ओढ घरांची पावलांस ज्या शंका नव्हती किंचित त्यांना |
त्यांच्या निष्पापी रक्ताची आतंकी हृद्यास वासना |
मग पाशवी त्या स्फोटांनी श्वास ऊखडला मानवतेचा | निरोप ... || 8 ||
प्रत्येकाच्या हृद्यस्थाला धरले हृद्यी ज्या शहराने |
शहरावर त्या पाहून हमला देश गलबलून आघाताने |
भ्रमणध्वनींचे जाळे हतबल भार झेलण्या ह्या चिंतेचा | निरोप ... || 9 ||
क्षेमकुशल कळण्या स्वकियांचे मग डोळ्यांतुन प्राण दाटले |
वृत्तवाहिन्यांवरी विसंबुन विश्वासाने असता सगळे |
वृत्तवाहिन्या काहि गेल्या श्वास कोंडूनी विश्वासाचा |
निरोप ... || 10 ||
किंवा योग्य हे असेल कारण नियम आगळे ह्या देशाचे |
बळी पाहूनी स्वरूप ठरते सदैव जिथल्या आघाताचे |
स्फोट घडविणे अफवेमधुनी असेल धक्का कुणा यशाचा | निरोप ... || 11 ||
परी स्फोटाने युध्दभुमीची दाहकता पोळून शहराला |
रक्ताच्या थारोळी अवयव कुठे हरवूनी ह्या देहाला |
विधात्यास मग प्रश्न चुकुन का " मी निर्माता सैतानाचा ? " निरोप ... || 12 ||
ईतरांना सावरता दिसली परी मानवता जख्मी होऊन |
ऊपचाराआधी मृत्युची झुंजच निर्जीव कोठे विव्हळून |
हरूनी रूग्णालयात कोणी "जन्म पोरक्या परिवारांचा" ! निरोप ...|| 13 ||
हात पोरका फटित मिळूनी काळरात्रीच्या दुसर्या दिवशी |
पिळवटणार्या प्रश्नांच्या त्या हृद्यावर कोसळल्या राशी |
धडपडेल का बाळच कुठले हात न दिसूनी तो मायेचा ? निरोप ... || 14 ||
लेक लाडकी होरपळून का हाताच्या प्रेमळ छत्राविण ?
माय - बाप कोसळतील थकूनी कुठे एकल्या त्या काठीवीण ?
एकच ऊत्तर दिसले हतबल "तिथे हात जो सामान्याचा" | निरोप ... || 15 ||
राजकारण्यांना देशातील जो जिवलग मतदानापुरता |
त्या हाताच्या रेषांवर जो मृत्यु का मग त्याच्यापुरता ?
येतो ?........ येतो म्हणता जिभ धडपडे निरोप घेताना घरच्यांचा |
निरोप मज देता हिरमुसतो का चेहरा माझ्या आईचा ? || 16 ||
- मकरंद सुधाकर पाटोळे .
जीवन
जीवन
भवतालीचे चटके शोषुन "जीवनातली" शक्ती फुलते |
खळखळूनी अपुल्यातुन मग हे "कलेगरागत" कसे गोठते ?||ध्रू.||
संवेदनाच ह्याच्यामधुनी सळसळूनी अवघ्या विश्वातुन |
अस्तित्वहि नसते सृष्टीचे ज्याच्या शीतल स्पर्शावाचुन |
बाष्परूपे गिळूनी चटके ते तृष्णेच्या वणव्यास विझवते | खळखळूनी...|| 1 ||
बाष्पामधली ऊर्जा दिसते "शीतल" अन वाफेतील "स्फोटक" |
चुलीवरील पाण्याला ठाऊक ऊर्जा त्यातील खरी "विधायक" |
ताप क्षमविता पाण्याचा जी स्वत:च हवेत विरूनी जाते | खळखळूनी...|| 2 ||
हिला कोंडूनी विरोध जितका जातो तिलाच तो "बळ" देऊन |
दबलेली शक्ती वाफेतील अडथळ्यास मग जाता ऊलथुन |
"अहं गिळा ह्या निखार्यातला " आवाहन पाण्याला करते | खळखळूनी…|| 3 ||
ईतरांचे चटके गिळण्याची तीव्र ओढ अंतरात भिनता |
बांधु शकेल कोणी त्याला ज्याच्या हृद्यी हि "व्यापकता" |
नगण्य "जीवन" मग थेंबातील विश्वच अवघे कवेत घेते |
खळखळूनी अपुल्यातुन मग हे "कलेवरागत" कसे गोठते ? || 4 ||
- मकरंद सुधाकर पाटोळे कदम.
वैषम्याची छाया
वैषम्याची छाया
सौंदर्याची किनार असते "सीमा" भीषण अंधकुपाची |
"माध्यम" युगात राहून जाणीव परि नाहि का ह्या सत्याची ? || धृ. ||
क्षितीजावर रंगांची धुळवड पहाट स्वप्नाला रंगवते |
अस्तित्वावीण "त्याच्या" परि जिकडे हि "तिचीच" होळी जळते |
तिथे स्वयं तेजाला खेटून असते सत्ता अंधाराची || "माध्यम" युगात || 1 ||
सुर्याच्या तेजाला ईच्छा जरी अंधाराला गिळण्याची |
प्रखर तेज धरण्या किरणांचे नसुन ओंजळी "त्या" हातांची |
तेज रवीचे ईथे जाळते दिप्ती नेत्रातील ज्योतींची || "माध्यम" युगात || 2 ||
अंधकुपागत मिजास "येथे" दगडाच्या ईवल्या छायेला |
पर्वत , गर्दवनांच्या कुशीत अभयदान परी त्या भुमीला |
तेज विखरूनी रवीचे जिकडे "हुळहुळ" "त्याच्या अस्तित्वाची" | "माध्यम" युगात || 3 ||
"जी" तेजाने न्हाऊन निघते तिचे अंग ते तेज पोळते |
मगरमिठीतील तिमीराच्या भुमीचा "हिमयुग" श्वास कोंडते |
ईथे ओढ नसते "त्याच्यावीण" विषमतेस ह्या समानतेची ||
"माध्यम" युगात || 4 ||
"जळून - गोठणे" भुमीची जणू दिनचर्या त्या ऋतुचक्रावीण |
नंदनवन "ती" आघातांचे त्याच्या मायेच्या "छत्राविण" |
झेलून अनंत आघातांना करी राख "जे" पाषाणांची || "माध्यम" युगात || 5 ||
ईवलीशी मग ऊल्का पाहते तुच्छपणाने ह्या भुमीला |
"रान मोकळे" पाहून चढते बळ मग ऊल्केतील क्रौर्याला |
अनंत काळे डाग सांगती जणू कहाणी त्या "वारांची" || "माध्यम" युगात || 6 ||
आघातांना पचवून आशा भुमीला तरी जणू "ऊद्याची" |
नभी "शांतीचा" रंग भरे जो वाट पहाता त्या दिवसाची |
"रात ढळे ना परि गगनातील" नभात सत्ता जरी सुर्याची || "माध्यम" युगात || 7 ||
"कर्करोग" झिरपे तेजातुन कुणा जाण का ह्या सत्याची ?
संवेदनाच नसता येथे गर्दि "शोभेच्या" दगडांची |
कारण "चांद्रभुमी" हि नसते साथ जिला "वातावरणाची" |
"माध्यम" युगात राहून जाणीव परि नाहि का ह्या सत्याची ?
- मकरंद सुधाकर पाटोळे.